Norðingur kemur á Kollafjørð við sild

 Norðingur siglir inn við 900 tonsum av sild, sum teir skulu landa til Faroe Pelagic í Kollafirði, teir verða á Kollafirði seint í dag, men sleppa ikki at landa fyrrenn í morgin.

Tummas T. er um at verða liðugur at landa í Kollafirði, so skal Hoyvík landa 900 tons av makreli og so eigur Norðingur landingartørn.

Teir hava roynt á uml. 64N og 6V, tað er góð sild teir koma við - vektin liggur um 380 gramm.