Norðborg skal landa leygardagin í Ánunum

 Norðborg kom undir land norðanfyri í morgun, teir framleiða, tað teir hava í tangunum og gera klárt at koma inn.

Teir hava 1.150 tons av skráskornum makreli, 200 tons av lýsi og 100 tons av mjøli.

Seint í kvøld koma teir á Fuglafjørð at bunkra og pumpa lýsið í tangarnar hjá Havsbrún.

Leygarmorgunin skulu teir landa í Ánunum, segði stýrimaðurin Árni Dalsgaard, tá ið við tosaðu umborð í gjárkvøldið.

Hesin túrurin vardi í 8 dagar.