Nógvur svartkjaftur landaður í Fuglafirði

Atlantsfarið hevur landað til Pelagos, Atlantsfarið hevði júst loyst tá ið henda myndin var tikin í kvøld.

Tróndur landar til Havsbrún og Tummas T. og Finnur Fríði bíða eftir landingartørni.

Á midnátt kemur Fagraberg á Fuglafjørð við uml. 2.200 tonsum av svartkjafti, teir rokna við at landa uml. helmingin til Pelagos og hin helmingin til Havsbrún. Teir byrja at landa til Pelagos beinanvegin teir koma inn. Teir fáa landingartørn til Havsbrún seint leygarkvøldið.