Nógv skip bíða eftir landingartørni

 Hóast vit nú hava fleiri virkir, sum taka ímóti bæði sild og makreli og fleiri skip, sum arbeiða fiskin umborð, so eru bíðitíðir til landingartørn. 

Í løtuni landar Fagraberg til Pelagos í Fuglafirði og Finnur Fríði bíðar eftir landingartørni - myndin frá Jón Thomsen. Á Tvøroyri landar Jupiter og Tummas T. bíðar eftir landingartørni, Tummas T sleppir framat mikudagin.

Á feltinum norðanfyri eru í kvøld 14 føroysk skip, sum royna eftir makreli ella sild.