Niels Jensen sýnir fram í Smiðjuni

Fríggjadag seinnapart letur málningaframsýning hjá Niels Jensen upp í Smiðjuni í Lítluvík.

Á framsýningini verða akrylmálningar, umframt kol og pastellmyndir, ið eru teknaðar á krossvið. Flestu myndaevnini hjá Niels eru fólk.

Niels hevði sína fyrstu framsýning í Smiðjuni fyri 25 árum síðani. Síðan tá hevur list hansara verið sýnd fram fleiri ferðir í Smiðjuni, umframt at hann hevur sýnt fram í Danmark, har hann eisini hevur fingið undirvísing í klassiskari tekning á Ny Carlsberg Glyptotekinum.

Framsýningin letur upp fríggjadagin 18. juni klokkan 14, og verður hon opin til týsdagin 22. juni.

Upplatingartíðirnar eru hesar:

Fríggjadagin: 14-20

Leygardagin: 12-20

Sunnudagin: 12-20

Mánadagin: 14-20

Týsdagin: 14-20.