Neistavenjarin heldur at H71 er besta boðið um FM-vinnara

 JN.fo hevur sett Jónleif Sólsker venjara hjá Neistanum í FTZ-deildini nakrar spurningar um komandi kapping - Jónleif metir eina javna kapping, har øll koma at taka stig frá øllum.

Neistin skal spæla sín fyrsta dyst 23. september, tá hitta teir H71 í Hoyvíkshøllini.

Hvat vænta tit av kappingarárinum?

Eg vænti eina sera spennandi kapping í ár. Liðini tykjast at verða jøvn, so eg vænti at øll fara at taka stig frá hvørjum øðrum

Hvat er tykkara mál?

Okkara mál er at verða í topp 4. Vit fara at stremba eftir at koma í aðra finaluna.

Hvat er tykkara besta vápn?

Okkara styrki er gott verjuspæl og góðar málmenn, og so taka vit fað harífrá.

Hvørji lið vænta tit fara, at kappast um FM-heitið?

Sum sagt áður, so vænti eg eina sera spennandi kapping, men eitt lið sum H71, sum hevur fingið ein stórskýtta á liðið, verður ein av favorittinum til eitt finalupláss. KÍF hevur fingið nýggjan venjara - og Niclas Selvig er við aftur, so teir koma at verða ovarliga. Kyndil hevur fingið Hørdur, so teir verða eisini við. VÍF er kanska viknað eitt sindur í verjupartinum, men teir hava somu álopsketuna sum fjør, og tá skoraðu teir nógv mál.    Hjá Stíf var liðið hart rakt av skaðum í fjør, men um allir spælaranir verða klárir hjá teimum, so verða teir við í kappingini um finalupláss. 

Hvussu sær tykkara hópur út?

Vit hava  sama fólk sum í fjør, tó hava vit mist Mikkja i málinum (lestrarørindir)

Hvørjar spælarar hava tit mist?

Sum sagt, so hava vit mist Mikkjal. Onkur at stuðulsleikarinum er skaddur í løtuni, men vónadi verður hann skjótt klárur aftur.

 Hvørjar spælarar hava tit fingið?

Vit hava fingið tveir nýggjar málmenn: Jann Pauli Toft Johannesen og Nicholas Satchwell.