Nebbasild og lodna í fiskamagum

Fyrri partur av yvirlitstrolingini hjá Magnusi Heinasyni er liðugur.

Eitt heldur sjáldsamt fyribrigdi var at síggja, at upsi hevði etið bæði nebbasild og lodnu. Nebbasild hevur annars verið heldur sjáldsom í fiskamagum seinastu árini. Lodna er ein fiskur, sum sjáldan er í føroyskum sjógvi, og tað er oftast talan um yngul og ikki vaksnan fisk. Lodna er vanlig undir Íslandi og í Barentshavinum.

Á myndini, sum vísir innihaldið í einum upsamaga, er nebbasild blonk á síðuni og svørt á rygginum, meðan lodnan er meira gullig á liti.