Næraberg siglir inn fullfermdur

 Næraberg, sum hevur verið á svartkjaftaveiðu sunnanfyri, er komin inn undir Suðuroynna, har teir arbeiða tað seinasta undan og gera skipið reint, áðrenn teir fara á Kollafjørð at landa tey 3.200 tonsini, teir hava í lastini.

JN.fo tosaði umborð fyri løtu síðan - Næraberg hevur roynt heldur longuri vesturi enn tey flestu svartkjaftaskipini, tað hevur verið hampuliga góður svartkjaftur teir hava fingið, túrurin hevur vart í knappar 3 vikur.

Tað eru 40 mans við Nærabergi.

Teir rokna við at koma á Kollafjørð tíðliga í morgin.

Tá ið liðugt er at landa, verður beinanvegin farið aftur á svartkjaftaveiðu.