Næraberg og Slættaberg koma aftur í dag

 Næraberg og Slættaberg koma heim í dag. Teir hava verið við Eystur-Grønland, har teir hava partrolað eftir makreli, teir hava 2.600 tons - Næraberg hevur tikið inn.

Næraberg fer á Kollafjørð, har veiðan verður landað og Slættaberg fer á Klaksvík, teir verða inni um  16-17-tíðina.

Føroyska makrelkvotan við Eystur-Grønland var 4.000 tons, sum øll er fiskað. Norðborg og Christian í Grótinum hava fiskað hin partin av kvotuni - teir partrolaðu ikki, men royndu hvør sær - Norðborg og Christian í Grótinum komu á Klaksvík í gjár.