Næraberg landar í Hollandi hósdagin

 Næraberg, sum hevur roynt góðar 200 fj. vestur úr Írlandi, er í morgun farin at sigla til Hollands, har teir skulu landa hósdagin. Næraberg er fullfermdur av svartkjafti - 3.200 tons.

Fiskiskapurin hevur verið hampuliga góður á leiðini vestur úr Írlandi, har hava nøkur føroysk skip roynt, nøkur norsk og fleiri russisk.

Vit tosaðu við skiparan - John Leif Joensen - fyri løtu síðan, hann segði, at tað vísti seg, sum um svartkjafturin kom eystanífrá og gekk út vestureftir, tað var hampuliga góður svartkjaftur teir hava fingið.

Veðrið hevur verið gott teir seinastu dagarnar, í dag er eitt lot av landsynningi.

Tað eru 40 mans við Næraberg og so ein skúlanæmingur frá Skúlanum á Giljanesi, sum er í starvsvenjing,