Næraberg kemur á Kollafjørð við góðum 3.200 tonsum

 Næraberg siglir inn við góðum 3.200 tonsum av heilfrystum svartkjafti, sum teir skulu landa í Kollafirði, Næraberg verður á Kollafirði um 19-tíðina í kvøld.

Næraberg fór avstað 27. desember, veðrið hevur verið sera ólagaligt, teir hava havt eins nógvar dagar, har teir hava ligið bakk, sum teir hava fiskað, men seinastu dagarnir hava roynst sera væl til veður. Næraberg hevur hendan túrin roynt heilt suður ímóti ES-markinum.

Tað eru 41 mans við Næraberg, skipari er Kristian Dam úr Kollafirði.