Næraberg hevur landað í Hollandi

 Næraberg, sum seinasta túr partrolaði við Slættaberg í grønlendskum sjógvi, hevur landað 2.800 tons av heilfrystum makreli í Hollandi.

Næraberg kemur á Kollafjørð um 22-tíðina í kvøld.

Næraberg verður so riggaður til, at fara á makrelveiðu í føroyskum sjógvi, teir rokna við at sigla aftur manadagin.

Í løtuni eru Norðborg og Christian í Grótinum á makrelveiðu norðanfyri - á uml. 64,2N og 6V.