Næraberg er nú klárur aftur at fara til fiskiskap

 Næraberg landaði 3.200 tons av heilfrystum makreli í Kollafirði 13. og 14. apríl, síðan tá hevur hann ligið á Klaksvík, har annar høvuðsmotorurin er umvældur.

Í morgun loystu teir av Klaksvík og fóru á Fuglafjørð at bunkra, teir verða liðnir at bunkra í kvøld, og fara tá aftur á svartkjaftafiskiskap.

Svartkjafturin stendur sunnast í føroyskum sjógvi, har eru nógv skip, mest russisk, íslendsk og norsk - eisini eru tey føroysku svartkjaftaskipini á leiðini sunnanfyri.