Myndir: Stór móttøka fyri ÍSB ítróttarfólkunum

Í sambandi við at ítróttafólkini hjá ÍSB komu heim, eftir at hava luttikið á Special Olympics World Games í Los Angeles, bjóðaði ÍSB fyri móttøku á flogvøllinum í kvøld.

Røður vóru hildnar, eisini var høvið at heilsa upp á ítróttafólkini.

Tey 18 ítróttafólkini hava luttikið í boccia, borðtennis, svimjing, fótbólti og frælsum ítrótti. Tey hava vunnið tilsamans 11 heiðursmerki, umframt at fleiri teirra hava sett persónlig met.