2015-04-27 14:28
![placeholder](https://jn.fo/css/img/banner2x1.png)
Tann 27.mai verður skipað fyri móttøku í Moskva, nú Føroyar hava latið upp sendistovu í Russlandi. Tað er Løgmansskrivstovan, sum skipar fyri móttøkuni.
Á móttøkuni verða løgmaður, sendimaður Føroya í Russlandi og umboð fyri almennu myndugleikarnar í Føroyum. Eisini verða fleiri føroyskar fyritøkur við. Tað er Vinnuhúsið, sum samskipar luttøkuna hjá føroysku vinnuni.
Umboð fyri politisku myndugleikarnar í Russlandi, útlendsk sendifólk í Moskva, og russiskir samstarvsfelagarar hjá føroysku fyritøkunum taka eisini lut á móttøkuni.
Kelda: tinganes.fo
Vinarliga broyt tínar kennifíla - og privatlívsstillingar fyri at síggja hetta innihald