Miðnámsrit út í bók

Tíðindaskriv.

Miðnámsrit er greinasavn, sum viðger námsfrøðiligar og fakligar spurningar, sigur søguna hjá føroysku miðnámsskúlunum, rekir fakfelagsrørsluna hjá miðnámsskúlalærarum og mangt annað forvitnisligt. Komið verður m.a. inn á nýggja próvtalsstigan, opinleika um ársmet, skúlabøkur á føroyskum og meting í undirvísing og læring.

Tað hendir nógv spennandi á miðnámsskúlaøkinum og í føroyska skúlanum sum heild. Nógv hevur almennan áhuga, og tí geva vit hesa bók út. Til rannsakan og sjálvrannsakan. Í bókini eru 24 greinir. Olav Absalonsen og Tórður Johannesarson hava ritstjórnað. Forlagið Glint gevur hana út.

Bókin kostar 70,-krónur og fæst til keyps í Riti og Ráki og Gamla Bókhandli.