Maður hevði brúk fyri hjálp í haganum, tyrlan fór eftir honum

Klokkan 08:46 í morgun fekk MRCC støðin í Havn eina fráboðan um, at neyðugt var at fara eftir einum manni, sum var farin í hagan eftir seyði. Boðini ið vóru, var at maðurin møguliga hevði brotið beinið.

Boð blivu send eftir bjargingartyrluni hjá Atlantic Airways, sum fór eftir manninum, sum var staddur Norði í Dølum í Vestmanna. Tyrlan flutti mannin á flogvøllin, har hann síðani bleiv koyrdur til Havnar á Landssjúkrahúsið.