Línuskipini sum royna við Ísland hava góðan fiskiskap

 Línuskipið Sigmund kom fullfermt á Runavíkina í nátt, teir hava uml. 125.000 pund, sum teir skulu landa til Faroe Origin í Runavík í morgin, Sigmund hevur roynt við Ísland.

Vit hava frætt frá Eivind, sum roynir á Medlandsgrunninum, teir hava ligið um 5-6 tons um dagin.

Sandshavið og Jákup B royna eisini við Ísland, teir hava havt gott fiskarí.

Klakkur er á Vesturlandinum, teir royna á Jøkulsgrunninum, teir hava ligið um 5-7 tons um dagin.

Kambur er eisini á Jøkilsgrunninum, teir hava eisini havt góðan fiskiskap, mikudagin landaðu teir 80 tons í Íslandi, tað varð gjørt fyri at teir skuldu fáa rúm fyri tí teir eiga eftur av íslandskvotuni, Kambur fór aftur til fiskiskap beinanvegin seinnapartin mikudagin.