Kvívíkar kommuna søkir eftir kommunuskrivara/leiðara

Kommunuskrivari/leiðari

Kvívíkar kommuna er samansett av 5 bygdum ??? Kvívík, Leynar, Stykkið, Válurin og Skælingur. Íbúgvaratalið pr. 01/01-2015 er skrásett til 570. Kommunala umsitingin húsast í Kvívík.
Politiska rákið í Føroyum leggur størri og størri ábyrgd út til kommunurnar at umsita. Samstundis sum hetta rákið setir krøv til umsiting og kommunala politiska myndugleikan, umframt umsiting, gerst hetta arbeiðið alt meira spennandi og mennandi bæði fyri umsitingarligu og politisku skipanina.
_ _ _
Í sambandi við tillagingar í bygnaðinum í kommununi leita vit eftir rætta persóninum til eitt nýtt fjølbroytt fulltíðarstarv sum
Kommunuskrivari/leiðari
Uppgávan sum kommunuskrivari/leiðari fevnir um:
??? Leiðsluábyrgd av allari umsiting og øllum starvsfólkum í kommununi.
??? Ábyrgd av at veita borgarum, vinnulívi og áhugabólkum eina dygdargóða og framfýsna tænastu.
??? Ábyrgd av øllum fyrisitingarligum viðurskiftunum hjá Kvívíkar Kommunu.
??? Ábyrgd av samskifti við borgarar, almennar- og privatar myndugleikar, v.m.
??? Fíggjarliga ábyrgd, herundir ábyrgd av at standa fyri og tryggja eina skynsama og til eina og hvørja tíð dagførda fíggjarstýring.
??? Veita bygdaráði og nevndum tess eina dygdargóða og dagførda kunning í mun til lógarverk og viðurskiftir annars, sum viðvíkja politiska partinum av kommunala arbeiðinum.
??? Fyrireika, sundurgreina og tilmæla í málum, sum skulu viðgerast á bygdaráðsfundum.
??? Fyrireika, sundurgreina og tilmæla í málum, sum skulu viðgerast í kommunalum nevndum.
??? Skrivari á bygdaráðs- og nevndarfundum hjá bygdaráðnum.
??? Yvirskipaða ábyrgd á tekniska økinum í kommununi.
??? Yvirskipaða ábyrgd av øllum bygningum hjá kommununi.
??? Uppgávur annars, sum natúrliga hoyra ábyrgdarøkinum til.
Harumframt er ábyrgdin at menna kommunalu fyrisitingina sum eitt gott og mennandi virkisøki og saman við tí til eina og hvørja tíð sitandi bygdaráði at leggja til rættis og fylgja upp uppá umsitingarligar, fíggjarligar og strategiskar ætlanir.
Førleikakrøv:
??? Viðkomandi útbúgvingar, sum stuðla upp undir at røkja omanfyrinevndu uppgávur.
??? Leiðsluroyndir og praktiskar royndir innan umsiting , vísandi til omanfyristandandi.
??? Hollar skriftligar førleikar í føroyskum.
??? Góð evnir at samskifta, bæði í skrift og talu.
??? Hollan telduførleika, bæði til umsitingarlig, fíggjarlig forrit.

Vit síggja somuleiðis fram til, at tú
??? Ert væl fyri, bæði í málsliga og skrivliga
??? Megnar tøkniliga viðgerð av kommunumálum
??? Klárar at viðgera fleiri uppgávur og smálutir í senn
??? Megnar at skyna á, nær tú skalt tillaga teg, og nær tørvur er á at seta mørk bæði innanhýsis, mótvegis starvsfólki og politisku skipanini - og uttanhýsis mótvegis borgarum og samstarvspørtum annars.
Hevur áhuga í:
o At leggja ætlanir og at ávirka
o At veita kommunu og borgarum persónliga tænastu
Vit bjóða tær eitt spennandi og sjálvstøðugt starv, har tú fært møguleikan fyri sjálvstøðugt og í tøttum samstarvi við starvsfólk og politisku skipanina at menna umsitingina.
Starvið ynskist sett skjótast til ber eftir nærri avtalu. Starvið verður lønt sambært galdandi sáttmála við avvarðandi yrkisfelag.
Umsókn, saman við avriti av prógvi og viðmælum skal sendast til: [email protected]
Nærri upplýsingar fáast við at ringja til Dánjal Petur Müller, borgarstjóra, telefon 292402
Freistin at senda inn umsókn er týsdag 22.mars 2016 kl.12.00
Kvívíkar kommuna tilskilar sær rætt til at søkja av nýggjum, um ikki skikkaður umsøkjari er.