Kent ferðamannaskip vitjar Havnina í dag

Marco Polo kom á Havnina um 13 - tíðina í dag, tað hevur lagt leiðina hendavegin eftir at hava verið í Hull í Onglandi. Tá ið tað ferð avstað aftur í kvøld gongur leiðin til Íslands, har skipið skal til Eskilfjarðar. 

Skipið var tikið í sigling í 1965 og fram til 1991 hevði tað navni Aleksandr Pushkin og var heimahoyrandi í Soviet. Í 1991 fór tað at sigla undir flagginum hjá Bahamas oyggjunum, og skifti navn til Marco Polo.

Skipið er bygt í Týsklandi og tók 650 ferðafólk og manningin taldi 220 fólk áðrenn tað bleiv umbygt. Nú tekur skipið 820 ferðafólk og manningin telur 356 fólk.