Jupiter siglir inn við 2.350 tonsum av svartkjafti

 Jupiter er farin at sigla inn við 2.350 tonsum av svartkjafti, sum teir hava fiskað eystur ímóti markinum við Hetland.

Jupiter skal landa veiðuna til Havsbrún í Fuglafirði, teir verða á Fuglafirði á middegi. Væntandi fer Jupiter á lodnuveiðu við Ísland komandi túr.

Íslendsku skipini Kap og Isleifur hava eisini sett kós móti Íslandi, teir eru fullfermd av svartkjafti - nú eru bara trý føroysk skip á svartkjaftafeltinum sunnanfyri, tey eru Christian í Grótinum, Norðingur og Tróndur í Gøtu.