Jupiter landar til Havsbrún í kvøld

 Jupiter sum fór avstað 1. jóladag, fór í morgun at sigla inn, teir koma á Fuglafjørð um 20-tíðina í kvøld, við 400 tonsum av svartkjafti, sum verður landaður til Havsbrún. Í løtuni landar Slættaberg 600  tons, teir verða liðnir at landa, tá ið Jupiter kemur á Fuglafjørð.

Jupiter hevur fiskað sunnast í føroyskum sjógvi, suður ímóti ES-markinum.

Sagt verður frá óveðri týskvøldið og mikunáttina - Jupiter fer ikki nýggjan túr fyrrenn veðrið batnar aftur, søgdu teir í morgun, tá ið vit á JN.fo tosaðu umborð.