Jupiter kemur á Fuglafjørð seinnapartin

 Jupiter kemur á Fuglafjørð seinnapartin, teir hava 2.200 tons av svartkjafti, sum teir skulu landa til Havsbrún, teir sleppa framat at landa seint fríggjakvøldið.

Christian í Grótinum sleppir framat á middegi, so skal Hoyvík landa aftaná Christian og so Jupiter.

Íslendsku skipini Vilhelm Thorsteinsson, Aðalsteinn Jónson, Isleifur og Jón Kjartansson eru júst farin at sigla til Íslands, tey eru øll fullfermd av svartkjafti.