Jubileumskonsert og Dansur vid Frændum

Tað eru 30 ár liðin síðan Saman við tær kom út á plátu og bandi við Frændum. Í hesum sambandi hava frændurnir hildið føðingardag í Klaksvík, har omanfyri 1000 fólk savnaðust til konsert og dans við bólkinum. Nú eru Frændur klárir at halda føðingardag í Trongisvági, 7. mars.

Á skránni er afturlítandi konsert, Hanus G og dansur út á náttina. Eisini er Terji Rasmussen við í føðingardegnum, eins og í Klaksvík. Tiltakið byrjar kl 22:30 við Frændur konsert og í pausini framførir Hanus sínar sangir. Síðani verður hildið fram við øllum teimum kendastu Frændur sangunum til dansin.