Jólamenn á rossabaki í Havn

Sunnudagin 20. desember klokkan 15 hava jólamenn boða frá, at teir koma í býin á rossabaki.

Jólamennirnir gleða seg altíð at heilsa uppá øll børnini sum taka ímóti teimum, og eisini hesa ferðina hava teir okkurt við at bjóða børnunum.

Í morgin, 18. desember, byrjar jólavikan hjá handlunum í miðbýnum, og tað merkir at handlarnir hava longri opið.

Hvønn dag í jólavikuni er kórtónleikur í býnum, og somuleiðis jólamenn, sum heilsa uppá bæði stór og smá.

Frá fríggjadegnum 18. desember til týsdagin 22. desember hava handlarnir í miðbýnum opið til kl. 20.

23. desember hava handlarnir í miðbýnum tó opið til kl. 22.

Sí annars skrá yvir tiltøk á jol.visittorshavn.fo