JN.fo sigur frá oddadystinum í Vestmanna

VÍF tekur í dag móti KÍF í høllini í Vestmanna. Í løtuni er H71 á odda í FTZ-deildini við 29 stigum, og beint aftanfyri teir eru KÍF og VÍF, sum hava 25 og 24 stig. 

Tað er stórur spenningur undan dystinum í Vestmanna í dag, liðið ið vinnur fær tey betru kortini at spæla seg í finaluna. KÍF hevur spælt ein dyst meira enn VÍF.

Beint aftanfyri tey bæði liðini kemur Kyndil, sum eisini kann spæla seg í finaluna, Kyndil hevur 23 stig fyri 19 dystir.

JN.fo fer at siga beinleiðis frá dystinum í Vestmanna, sum byrjar klokkan 16.