Jakob Jónsson metir um dystirnar í Atlantic Airways-deildini

Vit hava fingið KÍF-venjaran Jakob Jónsson at meta um teir báðar dystirnar í Atlantic Airways-deildini, sum verða leiktir um vikuskiftið.

Í Elektrondeildini kemur Ásbjørn Nielsson Nattestad at meta um dystirnar, tann metingin kemur í morgin.

16.11.2013 16.00	Ítróttarhøllin á Skála	A127	StÍF	Team Klaksvík
17.11.2013 16.00	Høllin á Hálsi	A126	Neistin	H71

Vit hava fingið Ásbjørn Nielsson Nattestad, at meta um teir báðar dystirnar í Elektron deildini hetta vikuskiftið. Les um tær metingarnar við at trýsta her.

StÍF - Team Klaksvík í høllini á Skála leygardagin 16. nov. kl. 16.00 - Bæði StÍF og Team Klaksvík hava víst gott spæl teir seinastu dystirnar, eg meti tó, at tað verður tungt hjá Team Klaksvík at vinna á StÍF í høllini á Skála. StÍF venjarin Jónleif Sólsker dugir væl at seta sínar menn upp til dyst, eg rokni við at StÍf vinnur dystin við eini 5-6 málum og tí 2 stig til StÍF, sigur Jakob Jónsson.

Neistin - H71 í Høllini á Hálsi sunnudagin 17. nov. kl. 16.00 - Liðini liggja jøvn við 8 stigum í part, tí er talan um eina uppgerð millum Neistan og H71. Bæði liðini hava í seinastuni havt tættar og góðar dystir,við framúr málmansspæli frá báðum pørtum - eg meti eisini at hesin dysturin verður javnur og spennandi, men megnar Neistin at fáa sítt spæl at koyra, so draga teir longra stráðið sunnudagin og vinna við 3 málum, sigur Jakob Jónsson í viðmerking síni.