Ikki vist at stóra flogfarið setur seg í Vágum í morgin

Vit á jn.fo hava verið í samband við stjóran á Vága Floghavn, Jákup Sverra Kass. Jákup Sverri sigur við okkum, at tað ikki er vist at stóra flogfarið setur seg í Vágum í morgin. Um Airbus 321neo flogfarið setur seg í Vágum, so er tað tað størsta flogfar ið hevur sett seg á flogvøllin í Vágum.

Jákup Sverri sigur víðari, at møguliga kemur Airbus flogfarið í næstu viku. Flogvøllastjórin hevur ikki fleiri viðmerkingar um flogfarið.

Størsta flogfarið, sum higartil ið hevur sett seg í Vágum, er eitt flogfar hjá DAT av slagnum MD87, sum setti seg í Vágum tá sólarmyrkingin var í fjør.