Ide Møblar hevði 2 tey lægstu tilboðini til vøllin í Hoyvík

 Fyri at lýsa støðuna nærri, ynskir Ide Møblar at gerða hesar viðmerkingar til málið um nýtt graslíki til vøllin í Hoyvík, sum hevur verið frammi í fjølmiðlunum síðstu dagarnar.

Tá innkomnu tilboðini til Tórshavnar Kommunu vóru latin upp mánadagin 15 august 2016 hjá LBF, var greitt staðfest at Ide Møblar, sum einasti føroyska felagið, við heimstaði í Tórshavnar Kommunu, hevði 2 tey lægstu tilboðini, á kr. 1.999.000 og kr.2.299.000. Hesi tilboð vóru 889.320 kr.  bíligari enn høvuðstilboði frá øðrum veitara og kr. 683.970 bíligari enn alternativ tilboðið frá øðrum veitara.

Tí er tað sambært Birgir Andreasen eisini rætt, at Tórshavnar Kommuna sparir munandi av peningi at taka av bíligasta tilboðnum frá Ide Møblum.

Tilboðið frá okkum var ikki einans bíligast, men DOMO vallirnir eru frá størsta graslíkis framleiðaranum í Evropa, sum eru sokallaðir FIFA Preffered Producer, sum merkir hægstu FIFA góðkenning. Ide Møblar hevur t.d. lagt somu vøllir, ið tilboðið byggir á, í millum annað Gøtu og Tvøroyri við sera góðum royndum. Allir vøllirnar sum Ide Møblar hevur veitt, hava fingið fullað góðkenning og útgoldnan stuðul frá FSF.  Ide Møblar hevur harumframt seinastu mongu árini veitt hópin av graslíkisvøllum runt um í øllum Føroyum, har allir vøllirnir eru góðkendir av FSF.

Ide Møblar og DOMO 10 ára garanti uppá nýggja vøllin og bjóðar eitt árligt skipa eftirlit og viðlíkahald av vøllinum.

Vit vóna tí at Tórshavnar Kommuna hesu ferð vil taka av bíligasta og besta tilboðnum frá føroyska felagnum Ide Møblar, sum annars er ein fyritøka, sum hevur virkað í kommununi í heili 37 ár.

Tí harmar tað okkum almikið, at politikkur er komin uppí málið og at tað nú skal verða sagt, at annar veitari enn Ide Møblar kanska hevur eitt bíligari tilboð. Hetta er ikki rætt, sambært teimum prísum, sum vóru almannakunngjørdir á licitatiónini síðsta mánadag.

Vit vænta eitt positivt svar frá Tórshavnar Kommunu og vænta at kommunan tekur av tilboðnum frá okkum, sigur Birgir Andreasen at enda.