Í royting á Lítlu Dímun - myndir

 Í gjár vóru hvalbingar í royting í Lítlu Dímum, teir høvdu ein fantastiskan dag í dýrdarveðrið.

Við vóru 23 fólk uppi til rakstur og tríggir í bátunum.

Hóast lítla manning gekk raksturin heilt ok.

Inni vóru 203 ær og 25 veðrar- samlað 228 gamlir seyðir. Lombini vóru 148.

Mett var at 50 ærseyðir sluppu og eini 30-40 lomb.

Av teimum 41 gimbrunum teir keyptu og sleptu í oynnað, vóru 33 inni, nakrar sóu teir sleppa, so tær hava samanumtikið klára veturin og várið heilt gott.

25 veðrar vóru inni harav ein Dímunarveðrur - so av 28 veðrum, ið teir sleptu út vóru 24 inni, allur seyðurin fekk heilivág, sigur Róin Schrøter.

Róin takkar fyri ein góðan dag.

Myndirnar eru frá Heina Hanusarson.