HSF: Almennur fyrilestur við Dagur Sigurðsson

Í samband við at Dagur Sigurðsson í morgin kemur at vitja HSF og føroyskan hondbólt verður fyrilestur í nýggju snotuligu hølunum hjá Bank Nordik á Oknarvegi 2 í Havn nú mánakvøldið 28. nov kl. 19.00. Fyrilesturin er ókeypis.

Dagur Sigurðsson er kendur íslendskur hondbóltsvenjari og fyrrverandi landsliðsleikari. Dagur Sigurðsson er í dag ein av heimsins fremstu hondbóltsvenjarum. Dagur er í løtuni venjari hjá týska manslandsliðnum. Tað var undir hansara leiðslu, at Týskland fyrr í ár vann Evropameistaraheitið og í summar á Olympisku leikunum í Rio vunnu bronsu.

Fyrilesturin fer at snúgva seg um yrkisleið Sigurðssons, sum leikari og venjari, hví íslendskur hondbóltur er so frammaliga og eisini um venjaraleiklutin, leiðslu, motivatión og leikarahandfaring.