Høgaberg kemur fullfermdur á Fuglafjørð

 Høgaberg hevur gjørt ein skjótan svartkjaftatúr - teir fóru av Fuglafirði hóskvøldið og hava roynt vestur úr Hebridinum, har teir gjørdu 4 tov, sum teir fingu 2.000 tons burturúr.

Høgaberg kemur á Fuglafjørð tíðliga í nátt, teir landa svartkjaftin til Havsbrún.

Skipari á Høgabergi hendan túrin er 26-ára gamli Jógvan Ingvard Olsen, tað er fyrstu ferð, at Jógvan Ingvard førir skip, hann hevur silgt sum stýrimaður, síðan hann var liðugur við útbúgvingina á Vinnuháskúlanum fyri tveimum árum síðan.