2016-05-21 09:49
Jóanis Albert Nielsen
Jóanis Albert Nielsen
Flogbóltur: Føroyska kvinnulandsliðið hevur í dag kl 12,15 sína seinastu venjing í Kollafirði, sum hevur verið fastur venjingarstaður hjá liðnum í fyrireikingunum til HM/EM kappingina.
Liðið er nú fullmannað, eftir at seinastu leikararnir komu til landið í gjár.
Tað er serliga móttøkuvenjing og servitrýst, sum liðið venur í løtuni, upplýsa venjararnir Jóhan Petur á Stongum og Kristian Mikkelsen.
Í morgin flytir liðið á Hotel Føroyar, eins og Kýpros, Liktinstein og Írland, sum koma við Atlantic Airways í morgin.
Á myndini eru teir fýra leikararnir, sum eru úr Fleyr:
| Navn: | Hædd | Aldur | Leikapláss | Landsdystir |
| Anja Sonnadóttir Danielsen | 181 | 23 | Áleypari | 34 |
| Súsanna Ludvig | 183 | 19 | Miðblokkur | 0 |
| Anna Sára Leifsdóttir Skaalum | 172 | 24 | Áleypari | 0 |
| Eyð Guðrunsdóttir Magnussen | 175 | 24 | Libero | 11 |
Sum tað framgongur hava Anna Sára Leifsdóttir Skaalum og Súsanna Ludvík sína fyrstu A-landsdystir fyri framman, meðan Anja Sonnadóttir Danilesen skal spæla sín landsdyst nr. 35 mánadagin ímóti Írlands kl. 20,00 í Høllini á Hálsi. Eyð Guðrunsottir Magnussen hevur fyrr leikt í Fleyr, men spælir í løtuni í donsku landskappingini, og tryggjaður tær sær í ár uppflyting til bestu deildina. Hon skal spæla sín landsdyst nr. 12 mánadagin.
Vinarliga broyt tínar kennifíla - og privatlívsstillingar fyri at síggja hetta innihald