Hjalti: Viljin gjørdi at vit komu í dystin aftur

Eftir dystin millum Kyndil og VÍF, hittu vit Hjalta Bachman úr Kyndli.

Sí myndir frá dystinum her.

Vit spurdu hann hvat tað hevði at siga, at teir fingu javnleik í dag.

- Tað hevur øguliga nógv at siga, serliga tí vit vóru aftanfyri við 6 málum í eina løtu. Nú hava vit kjansin, men taptu vit við 6 málum, so høvdu vit ikki góð kort til seinna hálvfinaludystin.

Vit spurdu hann eisini, hvat tað var, sum gjørdi at teir komu aftur.

- Tað er okkara sterki vilji, og tað at vit vistu, at vit kundu vinna dystin.

Les eisini: Ingi: Vit vóru alt for óneyvir.

Til síðst spurdu vit Hjalta, hvat teir fara at gera ørvísi í Vestmanna.

- Vit mugu verða klárir frá byrjan í Vestmanna, tað vóru vit ikki í dag, vestmenningar komu út, sum eitt óløgi og komu langt framum beinavegin, segði Hjalti við JN.fo beint eftir fyrra hálvfinaludystin.

Les meira um dystin her.