Heimatænastan í Vágum søkir eftir sjúkrarøktarfrøðingum og heilsurøktarum

Søkt verður eftir tveimum heilsurøktarum í tíðaravmarkað starv at byrja hin 1. november 2015 og fram til 1. september 2016. Arbeiðstíðin er 32 tímar um vikuna. Arbeiðið verður fyri tað mesta á Sýnini.

Søkt verður eisini eftir tveimum sjúkrarøktarfrøðingum at seta í fast starv at byrja hin 1. november 2015. Arbeiðstíðin er 32 tímar um vikuna. Arbeiðið verður fyri tað mesta á Sýnini.

Vit sóknast eftir starvsfólki , ið:

· Hevur útbúgving sum heilsurøktari

· Hevur útbúgving sum sjúkrarøktarfrøðingur

· Hevur hug og hegni at menna trivnaðin og veita røkt og umsorgan

· Tekur undir við visiónini um at skapa eitt virkið og heimligt umhvørvi

· Skal duga væl at samskifta við borgaran, avvarðandi, starvsfólk og leiðslu

· Kann tola broytingar í starvinum

Vit kunnu bjóða:

· Eitt starvsumhvørvi, har tú kanst gera tína ávirkan galdandi og vera við til at menna trivna,

umsorgan og røkt

· Góðar møguleikar at brúka tíni skapandi evni og føra tey út í verki

· Eitt jaligt og vinarligt arbeiðsumhvørvi

Setanar- og lønarviðurskift : Starvið verður lønt sambært sáttmála millum Fíggjarmálaráðið/KAF og avvarðandi fakfelag.

Setanarstaður er Heimatænastan í Vágum.

Nærri fæst at vita um størvini við at venda sær til deildarleiðarnar í Heimatænastuni í Vágum á tlf. 79 32 12 ella 79 32 13

Umsókn: Skrivlig umsókn saman við prógvum, autorisatión, upplýsing um útbúgving og royndir verður at senda til:

Heimatænastan í Vágum

Stílað: Halldis Joensen

Kálvlíðvegi 2

370 Miðvági

Teldupostur [email protected]

Umsóknarfreist : 20. oktober 2015

Tænasturnar verða veittar sambært lógtingslóg um heimatænastu, eldrarøkt v.m. Endamálið er at veita borgarum

við tørvi á hjálp eina samskipaða heildartænastu. Hjálpin skal taka atlit til tørv, trivna fortreytir og

sjálvsavgerðarrætt borgarans, og skal í størsta møguligan mun verða veitt í samráð og í samstarvi við hin

einstaka.

Av tænastuveitingum til borgarar verður veitt heimahjálp, heimasjúkrarøkt, økisterapi, mattænasta,

fyribyrgjandi rørsluvenjingar, dagtilboð og fyribyrgjandi heimavitjanir til heimabúgvandi, ið eru 75 ár og eldri.