Havborg komin aftur á fiskileið

 Rækjutrolarin Havborg úr Leirvík, var fyrrapartin í farnu viku inni í Norður-Norra, har teir landaðu veiðuna av seinasta túri - uml. 430 tons av rækjum.

Teir loystu aftur mikudagin og komu á fiskileið fríggjadagin, Havborg roynir í russiskum sjógvi, har vóru teir eisini seinasta túr.

Ímeðan teir landaðu, høvdu teir vitjan av umboði frá svenska felagnum KRAV, sum góðkendi teir fyri burðardugga veiðu - teir skriva á heimasíðuni, at tað kemur helst at geva nøkur oyru fyri rækjurnar.