Guðmundur vann aftur í dag - myndir

Hetta vikuskiftið er úttøkukappingar í súkkling, um hvør skal sleppa at umboða Føroyar í Oyggjaleikinum í summar.

Í gjár var fyrsta kappingin á skránni, tá var kappast í einkulstarti á einum teini, sum er 29 km. Tað var Guðmundur Joensen, ið vann kappingina í gjár. Nummar tvey var Jóanis Albert Nielsen og Dávur Magnussen gjørdis nummar 3 út av 12 luttakarum.

Í dag stillaðu 10 mans til start, í dag var teinurin 73 km langur, úr Havn til Kaldbak, eftir Oyggjavegnum aftur til Havnar, har leiðin síðani gekk á Gomulrætt at venda, fyri síðan at súkkla aftur til Havnar, har mállinjan var í dag.

Súkklarnir fylgdust til Kaldbaksbotn, har Gunnar Dahl Olsen fór frá hinum, feltið lat hann fara, fyri síðani at fanga hann aftur seinni, niðan á Oyggjavegin fingu so Dávur Magnussen, Guðmundur Joensen, Hilmar Hansen og Bogi Kristiansen, Gunnar aftur. 

Tá teir fimm høvdu vent á Gomlurætt, fekk so Guðmundur hol til hinar fýra, og vann dagsins tein, Bogi gjørdist nummar tvey, og Dávur kom aftur á mál, sum nummar trý í dag.

Í morgin er býrarkoyring á skránni.

Myndirnar hevur Elsa Berg tikið fyri jn.fo.