Grønlandstoymið avstað í dag

Grønlandstoymið hjá Heimamissiónini fer avstað í dag 17. september.

Fyrsti steðgur er í Keypmannahavn, har tey í annaðkvøld skulu syngja og hava andakt á føroyska sjúklingahotellinum.

Fríggjamorgunin gongur leiðin til grønlendska høvuðsstaðin Nuuk, har toymið skal búgva á sjómansheiminum. Har skulu tey hava andaktir, syngja og hava bíbliutíma.

Vitjað verður umborð á skipini sum koma inn til Nuuk. Harafturat skulu tey vitjað á sjúkrahúsinum, fangahúsinum, ellisheimum, Bláa Kross, eldrafelagið, kirkjur og samkomur.

Toymið verður aftur í Føroyum 29. september.

Toymið takkar fyri stuðul og forbøn.