Grind út fyri Leirvík

Ein maður í Leirvík sá grindina í Leirvíksfirði fyri eina løtu síðani.

Grindin var suðureftirgangandi, og mett verður ikki, at hon er serliga stór - 20-30 hval kanska, tað skrivar portal.fo.

Sambært vakthavandi á politistøðini, er ein bátur staddur hjá grindini í løtuni. Enn er óvist, hvagar grindin verður rikin.

Uppd. kl. 13.55.  Grindin er komin á Fuglafjørð, sum vit skilja, so verður hon merkt, og so slept út aftur.