Grind í Nólsoyarfirði: Aftur grindaboð í kvøld

Tað er aftur boða frá grind í kvøld. Grindin er í Nólsoyarfirði, og gongur spakuliga inneftir.

Ternan og nakrir smáir bátar eru hjá grindini.

22:39: Fólk, sum eru hjá grindini, sum JN.fo hevur tosa við, meta at grindin er 150 hval.

22:50: Grindin er komin innum Molan, tað upplýsur vakthavandi fyri JN.fo.

22:57: Talan er møguliga um fleiri bólkar, men tað er ikki vátta enn av løgreglustøðini.

23:23: Drápið er byrjað.

23:38: Grindin hevur lagt beinini.

23:49: Tað ljóðaði fyrr í kvøld, at grindin møguliga skuldi gingið í fleiri bólkum, men av løgreglustøðini verður sagt, at bátarnir, sum fóru útaftur at leita eftir hinum bólkunum eru komnir innaftur.

JN.fo fylgir gongdini.

Les eisini um grindina í Bø:

Løgreglan: Tíðindarskriv í samband við grindina í Bø

Grindin hildin til á Bíggjarsandi - fleiri SS limir handtiknir

Løgreglan á veg í grind

Myndir: Mykinesmenn flota grindabátarnar

Sam Simon er farin úr Føroyum

Video av drápinum og av tá SS fólkini vórðu handtikin

Myndir úr Bø