Gongutúrur eftir søguslóðum í Sandavági tunnilsdagin

Leygardagin verða Søguslóðir aftur á skránni. Hesaferð ganga vit í Sandavági. Byrjað verður uttanfyri kommunuhúsið klokkan 13.00. Harfrá spáka vit okkum ein túr í bygdini, har vit ganga framvið Løgmansgarðin, Hammersheimb, Jens Paula Heinesen, ein túr inn í kirkjuna og síggja Rúnarsteinin og síðan út á Bakka ímeðan søgufróði Edvard Í Skorðini Joensen greiðir frá øllum teimum ymisku søgunum sum eru á leiðini.