Futsal: Umfarið hjá Dreingir U14 avlýst

Vegna vánaliga veðurforsøgn, hevur FSF, í samráð við fyriskipararnar, avgjørt, at umfarið sunnudagin 15. desember hjá Dreingir U14, verður avlýst.

Fimta umfar í Futsal-kappingini hjá dreingjum er á skránni hetta vikuskiftið, og leygardagin eru tað Dreingir U12 og Dreingir U16, ið fara at dystast í ítróttarhøllini á Kambsdali.

Eftir ætlan skuldu Dreingir U14 fara á vøllin sunnudagin 15. desember, men hetta verður kortini av ongum.

Veðurforsøgnirnar næstu dagarnar boða frá sera ringum veðrið, við nógvum vindi leygarkvøldið og sunnudagin, og tí hevur Fótbóltssamband Føroya, í samráð við fyriskipararnar hetta umfarið, Víking, avgjørt, at umfarið sunnudagin hjá Dreingir U14 verður avlýst.

Í staðin verður fimta umfar hjá Dreingir U14 væntandi spælt fyrst í komandi ári.