Full sólarmyrking 20. mars í 2015

Tann 20. mars í 2015 klokkan 9:40:12 rakar ein full sólarmyrking Mykineshólm og fer síðan um allar oyggjarnar. Um leið hálvan annan minutt seinni kemur myrkrið til eystasta punktið á Fugloynni og fer so víðari norðureftir. Í Føroyum verður longst myrkt í Mykineshólmi, har tað verður myrkt í 2 minuttir og 24 sekund.

Ein sólarmyrking er, tá ið mánin stendur millum sólina og jørðina, soleiðis at jørðin kemur í skuggan av mánanum. Tá ið sólarmyrkingin er full, verður myrkt eina løtu, og so verður ljóst aftur.

Fullar sólarmyrkingar eru ógvuliga sjáldsamar, og seinasta fulla sólarmyrkingin í Føroyum var 30. juni í 1954.

Tað er við spenningi, at føroyingar og onnur bíða eftir sólarmyrkingini í 2015. Ferðavinnan hevur brynjað seg í fleiri ár, og nógv ferðafólk koma til Føroya.

Nøkur fólk, sum er serliga áhugað í sólarmyrkingum, fara við skipi norðum um Føroyar, so tey fáa bestu møguligu umstøðurnar at uppliva sólarmyrkingina. Onnur fara at fylgja sólarmyrkingini við flogfari, so áhugin er stórur.