Framsýning av eldri vestmannamyndum á Staðnum

Á Fjarðastevnu var myndaframsýning á Staðnum við eldri fotomyndum. Áhugin var sera stórur og fleiri áheitanir eru nú komnar um at lata framsýningina uppaftur.

Fyrireikararnir hava játtað, og høvi verður aftur at síggja myndaframsýningina av eldri fotomyndum á Staðnum sunnudagin 13. juli kl. 14 -18.

Tað eru teir báðir Páll Hellu og Símun Olsen, sum hava tikið stig itl framsýningina.