Fram og Niels Pauli kláraðu at fiska alla makrelkvotuna

Fram og Niels Pauli høvdu bert seinasta dagin í árinum at fiska tað íð eftir var av makrelkvotuni, sum fiskavirkini - TG-Seafood og Vestmanna Seafood høvdu fingið tillutað.

Teir komu á fiskifeltið í hetlendskum sjógvi náttina til nýggjársaftan og tá ið kvøldið kom, kundu teir seta kós aftur móti Føroyum við uml. 560 tonsum av makreli.

Fram kom á Tvøroyri tíðliga í morgun og Niels Pauli kom á Hvalba einar tveir tímar áðrenn.

Helmingurin av veiðuni verður landaður til TG-Seafood og hin helmingurin í Vestmanna.