Fram landar makrel til Pelagos í Fuglafirði

 Fram kom á Fuglafjørð í nátt við smáum 500 tonsum av makreli, sum teir landa til Pelagos.

Fram hevur hendan túrin partrolað við Sjagakletti. Teir hava roynt í ES-sjógvi í ein útnyðring úr Hebridinum.

Í gjár komu Eysturbúgvin og Vesturbúgvin aftur á fiskileið har suðuri, og Tummas T og Heykur loystu seint í gjárkvøldið av Tvøroyri, teir fara eisini aftur suður í ES-sjógv.