Flogbóltur: U19-kvinnurnar skulu spæla EM-undankapping

Flogbóltur: U19-kvinnurnar skulu spæla EM-undankapping

Fyri fyrstu ferð nakrantíð verða føroysku U19-kvinnurnar í mai mánaði í ár við í undankapping til EM.

Nevndin í Flogbóltssambandi Føroya, FBF, hevur gjørt av at melda U19-kvinnurnar til EM undankappingina, sum verður í døgunum 31. mars til 3. apríl í ár. Kappingin verður hildin í Skotlandi og føroysku kvinnurnar skulu kappast móti Kypros, Luksemburg, Norðurírlandi og vertstjóðini Skotlandi.

U19-kvinnurnar hava annars javnan verið við í kappingum uttanlands. Seinast vóru tær við í NEVZA-kapping í Onglandi, men hetta tað er fyrsta ferðin, at liðið verður við í undankapping til evropameistaraheitið. Leikararnir sum eru við, eru føddir eftir 1. januar 1998.

Tað er evropeiska flogbóltssamgongan, CEV, sum skipar fyri kappingini, har øll liðini spæla móti hvørjum øðrum.