Flogbóltur: Kvinnulandsliðið fyrstu venjingina

Kvinnulandsliðið í flogbólti hevur í kvøld sína fyrstu venjing í sambandi við, at liðið hevur spælt seg í endaumfarið í EM-kappingini fyri smátjóðir.

Flogbóltssambandið skipaði í mai í ár fyri HM/EM kapping í Føroyum, og tá vann føroyska landsliðið sær rætt at spæla við í endaumfarinum, sum verður í Luksemborg í 2017. Liðið gjørdist tá nr. 2 aftanfyri Kypros, men frammanfyri Írland og Liktenstein.

Venjararnir Jóhan Petur á Stongum og Kristina Mikkelsen hava úttikkið hesar leikarar til fystu venjingina, sum verður kl. 18,30 í kvøld á Giljanesi.