Finnur Fríði siglir inn við 900 tonsum

 Finnur Fríði fór í morgun at sigla inn við 900 tonsum av makreli, sum teir skulu landa til Varðin Pelagic á Tvøroyri, Finnur Fríði verður á Tvøroyri kl. 10 fyrrapartin í morgin.

Tróndur í Gøtu hevur landað á Tvøroyri í gjár og í dag, teir loystu av Tvøroyri eftir middag í dag.

Tey føroysku skipini royna øll norður ímóti markinum á 65N og 2V, beint norðanfyri markið royna eini 20 russisk skip í kvøld.

Tað er góður makrelur tey fáa har norðuri.