Finnur Fríði og Jupiter fara á lodnuveiðu

 Finnur Fríði og Jupiter eru báðir ávegis til Ísland, har teir fara á lodnuveiðu.

Skipini komu í morgun í íslendskan sjógv og verða í kvøld á lodnufeltinum útfyri Eysturlandinum.

Finnur Fríði landaði seinasta túr lodnu til Varðin Pelagic, Jupiter landaði svartkjaft til Havsbrún.

Í løtuni er einki føroyskt skip á lodnufeltinum, Norðborg er komin heim fullfermd av heilfrystari lodnu og Høgaberg kemur á Fuglafjørð í seinnapartin í dag.